Search articles

Just in...

Court

Abogado mr. Carlo: Inhustamente Ministerio Publico ta acusa Mansur di ta envolvi den caso Avestruz

Dec 15, 2022
How to Share With Just Friends

How to share with just friends.

Posted by Facebook on Friday, December 5, 2014

ORANJESTAD – Luna pasa durante tratamento di e caso Avestruz, Fiscal a exigi 2 aña di prison y 25 mil florin di boet pa Mansur cu a bende proyecto Lisner na Eagle Beach y a gana 1 miyon dollar. E siman aki, e abogadonan a defende nan cliente.ARUBANATIVE por a compronde cu abogado mr. Carlo a bisa Hues cu inhustamente Ministerio Publico ta acusa Mansur di falsificacion y malversacion.NO A FALSIFICA DOCUMENTOAbogado mr. Carlo di Mansur a bisa Hues cu Ministerio Publico (Min. Publ.) ta acusa Mansur di ta complice di falsificacion y malversacion hunto cu Werleman y Nuñez. E abogado a remarca cu nunca Mansur a haci peticion pa erfpacht comercial. El a bisa cu e no por compronde cu ta acusa di Mansur di complice. E ta haya cu mester declara Mansur.E abogado a bisa Hues, con por ta cu Min. Publ. ta acusa Mansur di intencional a haci esaki. El a mustra cu Damira a percura pa documentonan pa haya erfpacht comercial. E ta haya cu e accionnan a wordo bendi cu autorizacion di Gobierno. E intension tabata pa bende e proyecto pa gana mas placa. Esaki no ta un hecho castigabel. E abogado ta haya cu Min. Publ. no tin nada pa cuminsa caso penal contra Mansur. El a mustra cu tin hotelnan, cu e accionnan a wordo bendi y no tin persecusion penal contra nan. El a señala cu Osorio y Henriquez, kendenan ta esnan cu a percura pa e bendemento di Damira y Lisner tuma lugar, no a wordo persigui siendo cu nan a gana hopi placa. E ta haya cu Mansur ta wordo acusa inhustamente di falsificacion y malversacion.NO A HAYA PREVILEGIOE abogado a reacciona riba e acusacion cu Mansur a haya previlegio. El a mustra cu Mansur ta bin di famia cu a haci masha hopi negoshi na Aruba. E kier a realisa un proyecto turistico. A lanta un real estate cu e intension pa realisa proyectonan turistico. A bin cu Lisner y tabatin 3 diferente plan, depende e grandura di erfpacht comercial. Promer e plan tabata cu su tata, su mama lo financia e proyecto. Sinembargo e famia a hala atras door di problema di Mansur cu su ex pareha. Mansur e momento ey a bay busca inversionista y a topa Werleman. Asina a bin conoce e situacion cu Donadi ta interesa den Damira pero kier mas tereno. E ora ey Mansur a pone Lisner disponibel. Tur cos a wordo regla door di abogadonan di Donadi pa cu realisacion di cumpra tur accionnan di Damira y Lisner.E abogado a mustra cu Min. Publ. ta bisa cu tanto Mansur como Werleman y Nuñez no tabata interesa realisa proyecto sino pa bende esaki. Min. Publ. ta haya cu esaki ta falsificacion di documento. Mr. Carlo a bisa Hues cu ningun momento Mansur a haci peticion personal pa erfpacht comercial. Ta e identidad Lisner a haci esaki. Como director di Lisner, e tabata firma e documentonan cu e abogadonan di Donadi a prepara pa asina e traspaso di accionnan di Lisner keda realisa. E abogado ta haya cu Hues mester declara Mansur liber.E abogado a mustra cu e acusacion di Min. Publ. no tin base pasobra e ta menciona un ley cu na 2018 a keda publica y introduci na 2019 y no por wordo usa contra Mansur cu na 2015 a haci peticion pa erfpacht comercial.El a sigui bisa cu e no ta haya cu por papia cu tabatin un cooperacion mutuu pa cu trahamento di e documentonan. Ta e abogadonan a traha tur cos. Mansur no tabatin contacto cu Abath y Sevinger y tampoco funcionarionan di DIP manera Min. Publ. kier laga mustra.FALSIFICACIONMr. Carlo a bisa cu Min. Publ. ta acusa Mansur di falsifica documentonan door duna informacion falso. Abogado a bisa cu e unico documento cu Mansur a traha ta esun pa haya un erfpacht comercial. E resto di documentonan, ta e abogadonan di Donadi a traha esakinan. E no sa contenido di e documentonan. Solamente tabata firma.FISCALFiscal a reacciona mustrando cu e ta haya cu tin diferencia di opinion kico ta castigabel. Na opinion di Fiscal, ningun momento el a bisa cu e traspaso di accionnan ta algo castigabel. E parti castigabel ta e parti promer cu e traspaso di accionnan. El a mustra cu Mansur a bay busca hendenan cu kier cumpra accionnan. Mansur a djis entrega un peticion y despues ta haya 1.5 miyon dollar.

No items found.
No items found.