Search articles

Just in...

International

Agente policial di team Elite di polis na London, acusa di 48 caso di abuso (rape) y di 85 infraccion serio

Jan 19, 2023
How to Share With Just Friends

How to share with just friends.

Posted by Facebook on Friday, December 5, 2014

London, Inglatera

Tur Cuerpo Policial di tur districto na Inglatera, lo mestercuminsa check y controla nan agentenan policial y alabes tur otro trahado den edepartamentonan di cuerpo policial, asina Ministerio di Asuntonan Interior Inglesa duna di conoce.

Esaki ta relaciona cu e caso di e agente di un team elite di Metropolitan Police, David Carrick (48) kende dialuna ultimo a bin admiti di tabata participe na un serie di 49 crimen (rapemento).

E hefenan di e cuerponan policial ingles awo mester cuminsa controla tur nan agentenan policial pa mira si acaso tin mas agente den nan cuerpo cu lo por ta envolvi den un of mas. Ministerio di asuntonan interior di Inglatera a sigui informa, cu Si acaso resulta cu un of mas agente ta meti den un of otro crimen, nan lo haya mesora nan retiro, pa motibo cu nan no por ta pertenece na e Cuerpo Policial.

David Carrick, den e ultimo 20 anjanan, tabata un agente policial di un team elite di Metropolitan Police. E lo ta envolvi den 48 caso serio di abuso, entre otro rape. Segun media ingles, David Carrick ta  e sex offenders mas grandi di e ultimo decadanan.

David Carrick tabata tin su victimanan menasa, cu e lo matanan sin laga un rastro. tambe e tabata pone arma na nan cabes y tabata malusa su posicion den e team Elite di polis pa menasa y haci hopi abuso cu su victimanan.

Algun anja atras, e cuerpo policial di cual e tabata forma parti di dje a haya como 8 keho contra su persona tocante su comportacion abusivo, pero e cuerpo policial a ignora e kehonan aki y e muhernan no tabata tin e durf di haci denuncia official, pa e motibo ey e cuerpo policial a ignora e kehonan aki tocante su comportacion abusivo.

Recientemente Downing Street Police, a haya un Comisario nobo, kende si tabata hopi determina pa caba cu e comportacion abusivo den e Cuerpo policial. E la tuma e kehonan aki na serio y a declara tambe cu no ta di awo mester a actua, pero hopi mas prome mester a tuma e kehonan aki na serio y atende nan pa asina por a caba cu esaki hopi prome y no lage yega asina leu.

Dialuna ultimo, e agente di e team Elite di Metropolitan Police David Carrick a confesa su culpabilidad di tur e kehonan entrega contra su persona. Un total di 49 caso e ta wordo acusa di dje y tambe di 85 infraccionnan hopi serio. E ta wordo considera un serial rapist.

Na 2009, durante cu e tabata rape y abusa di muher (e serial rapist), trahando como polis, e la wordo promovi pa su superiornan y a bay forma parti di un team elite di Metropolitan Police, den cual e la wordo asigna pa cuida parlamentarionan ingles, diplomaticonan, cuida embahadanan, Downing Street & House of parliament.

No items found.
No items found.