Search articles

Just in...

Police

Agente policial Illes ta e prome morto den trafico na Aruba pa 2023

Jan 13, 2023
How to Share With Just Friends

How to share with just friends.

Posted by Facebook on Friday, December 5, 2014

E recherche di mas jong di Cuerpo Policial di Fam Illes a bira e prome morto den trafico pa 2023, e accidente frontal a sosode riba e caminda di Urataka pa Macuarima. E hoben agente tabata bayendo direccion zuid, direccion di Macuarima y caminda muha lo a hunga un rol den e accidente aki cu consecuencianan fatal.

Macuarima:

Diabierna, den careda di 2’or y 45 di merdia a sosode unaccidente basta serio riba e caminda di Macuarima pa bay direccion di Urataka,na altura di e bocht. Caminda muha lo a pone lo a slip y dal contra un auto biniendo di contrario.

Dos persona a resulta herida, den un auto un dama y den eotro auto un cabayero cu casi no tabata halando rosea mas.

Presencia di polis y ambulance a wordo pidi cu maximo urgencia. Na yegada polis a mira e situacion critico di e cabayero y a pidi pa ambulance bin mas lihe cu ta possible. Tambe nan a pidi pa brandweer mirando cu un di e autonan tabata sacando huma.

Na yegada di ambulance e paramediconan hopi lihe a bay atende cu e victima masculino kende su situacion tabata hopi serio, un rato despues e personal di ambulance no por a haci nada mas pa e cabayero, lamentabelmente e la fayece. E dama den e otro auto cu tambe tabata herida a wordo transporta cu urgencia pa hospital.

Departamento tecnico di polis a wordo pidi pa haci mas investigacion. Na e sitio por a mira Janine Rodriguez di slachtofferhulp pa atende cu famianan di e victima.

Tambe por a mira varios hefe di polis presente na e sitio di e accidente.

Dr. Anthony a constata morto di e victima Illes.

E victima Illes, na bida tabata un agente policial cu tabata traha como recherche. Segun nos a compronde cu e tabata e recherche di mas jong di Cuerpo Policial di Aruba.

Arubanative.com kier a extende su palabranan di profundo condolenciana famia di e fayecido.

No items found.
No items found.