Search articles

Just in...

Dutch Kingdom

Bishita di DUO den area caribense tabata exitoso

How to Share With Just Friends

How to share with just friends.

Posted by Facebook on Friday, December 5, 2014

E campaña di herfst di Dienst Uitvoering Onderwijs (DUO) den area caribense cu recientemente a caba, tabata sumamente exitoso. Banda di a habri oficinanan di servicio temporal, tabatin encuentronan informativo, ‘webinars’ y a duna ayudo na midi den caso di problemanan di pago. Y pa prome biaha a bishita tur seis isla den e area caribense den un solo campaña. 

E bishitanan claramente ta satisface un necesidad. Compara cu e campaña combina di herfst di 2021 y e campaña di primavera pasa a nota un aumento di alrededor di 50 porciento den bishitante. E atencion den medionan pa y durante e campaña sigur a yuda den esaki.

Futuro y ex-studiantenan 

Pa futuro studiantenan tabatin encuentronan bon bishita caminda, hunto cu mayornan, nan a ricibi informacion tocante financiamento di estudio y otro asuntonan cu nan mester regla na Hulanda. 

Pa ex-studiantenan tabatin encuentronan cu splicacion tocante posibilidad pa pidi un evaluacion di poder financiero, pagamento bek localmente y kico pa haci den caso di problema cu pagamento. Na e bali habri na e oficinanan di servicio a duna asistencia pa hasi peticion pa un evaluacion di poder financiero. Servicio di Impuesto riba e diferente islanan tabata hopi servicial den esaki. Nan a percura pa entrega rapido di e declaracionnan di entrada necesario na e ex-studiante, di manera ku por manda esaki mesora como comprobante hunto cu e peticion. 

E aña akí tabatin atencion special pa uzo di ‘Mijn DUO’. Ex-studiantenan despues di inicia un sesion cu DigiD, por a wak nan datos y mensahenan via ‘Mijn DUO’. Asina nan no ta depende mas di post. Si ex-studiantenan no tin akseso (mas) na Mijn DUO, nan por regla nan asuntonan online atrobe despues di pidi un DigiD nobo. 

Mescos cu den e campañanan anterior DUO a ofrece ayudo na midi den caso di problema cu pago. Ex-studiantenan por a traha afspraak na e oficinanan di servicio pa yega na solucion na midi pa retraso di pago. 

Cifranan bunita

Den e periodo di 31 di oktober pa 9 di december a bishita tur seis isla. Den e periodo aki 1450 bishitante a acudi na e bali habrí. Hopi mas compara cu e bishitanan anterior.

Durante e campaña di herfst (Aruba y Corsow) tabatin 718 bishitante y durante e campaña di primavera 2022 (Sint Maarten, Saba, Sint Eustatius y Bonaire) tabatin 326 bishitante.

E reaccionnan riba e oficinanan di servicio temporal tabata hopi positivo. Tabata pa di prome biaha cu a habri den oranan di anochi tambe un biaha pa siman, cu tabata bon bishita. Ta parce cu e ta satisface un nesesidad. E mini campaña pa yuda personanan cu problema pa haci uzo atrobe di Mijn DUO claramente tabata efectivo.

E aña benidero atrobe tin campañanan den e area caribense riba agenda. 

 

 

 

 

 

 

 

 

 

 

 

 

 

 

 

 

 

 

 

No items found.
No items found.