Noord - Diasabra anochi algo prome cu 11'or brandweer y polis a bay Aruba’s Life Vacation Residences pa un candela.
Segun informacion basta huma lo tawata saliendo for di e area di cushina y bar indicando un posibel candela.
Na yegada di Brandweer mesora nan bay mira di unda esaki ta bin. A resulta cu probablemente a lubida algun carbon den e cushina y esaki a causa bastante huma, creando e impresion cu e luga tawata candela. Elmar tambe manera semper den tur caso di candela ta wordo poni na altura y den e caso aki no tawata un excepcion.
