Search articles

Just in...

Court

Caso Diamante ta continua diahuebs contra Alvin Howell y Jacqueline van Putten

Jan 23, 2023
How to Share With Just Friends

How to share with just friends.

Posted by Facebook on Friday, December 5, 2014

ORANJESTAD – E siman aki Corte di Husticia ta sigui cu e caso penal cu Ministerio Publico a cuminsa contra Alvin Howell (49) y Jacqueline van Putten (61). E caso ta hiba e nomber Diamante”.

ARUBA NATIVE por a compronde cu na September 2022, Hues a honra petcion di mr. Canwood di Howell pa scucha 8 testigo. Awor ta bay trata e caso den su totalidad.

DESFALCO DI MAS CU 200 MIL FLORIN

Dia 1 September 2022 ora a cuminsa cu tratamento di e caso, Hues a informa cu e caso no ta wordo trata sino ta un “regie zitting”. Fiscal a acusa Howell y van Putten cu den e periodo di 2017 y 2021, nan lo a haci desfalco di placa di e partido POR. E temporada ey Howell tabata Parlamentario y president di e Stichting mientras cu van Putten tabata e secretaria di e Stichting.

  Fiscal ta sospecha cu Howell a haci desfalso di 179.404 florin y haci falsificacion di recibonan. Fiscal a bisa cu ta sospecha van Putten di desfalco di algo mas di 100 mil florin.

  Howell a wordo representa pa mr. Canwood mientras cu van Putten a wordo representa pa mr. Arendsz Marchena.

PIDI PA SCUCHA TESTIGO

E caso a bin dilanti “regie zitting”. Esaki pasobra abogado mr. Canwood a pidi pa scucha 6 testigo. E procedura e ora ey ta bira cu mester tene un “regie zitting” caminda abogado mester splica e motibo cu e kier scucha testigonan. Despues ta Fiscal ta reacciona riba e peticion y final ta Hues ta dicidi si ta aproba of no.

  Abogado mr. Canwood a bisa Hues cu anterior el a pidi pa scucha 6 testigo pero un rato promer cu e caso e tabata papia cu Howell y a bin 2 testigo mas aserca. Pues en total el a bira 8 testigo. Entre nombernan cu a wordo menciona, esun cu a resalta mas tabata Marisol Lopez Tromp. Mr. Canwood a bisa cu tur e testigonan por splica cu no tabatin desfalco y cu Howell a paga personanan pa nan servicio pa cu partido POR. Mr. Canwood a bisa Hues cu awor a pidi tambe pa scucha Marisol Lopez Tromp kende por splica kico tabata e intension di placanan cu a haya pa e Stichting. Segun e abogado, Marisol Lopez Tromp tambe a ricibi placanan y a usa placanan. E kier pa Marisol Lopez Tromp splica con tabata usa placanan y cu no tin nada di desfalco.

Abogado Arendsz Marchena a bisa cu e ta apoya e peticion pa scucha Marisol Lopez Tromp, kende por splica con e placanan a wordo usa y con van Putten tabata haci su trabaonan.

CASO TRATA E SIMAN AKI

  Hues a aproba e peticion di mr. Canwood y entre tanto e testigonan a wordo interoga door di Hues Comisario. Segun e schedule di Corte di Husticia, tanto Diahuebs como Diabierna ta reserva pa e caso. Lo informa lectornan tur loke a pasa den sala di Corte di Husticia.


No items found.
No items found.