Home » Elliott Loonstra PLY y su coach Luciano Mazzeo a participa na e di dos evento di e ‘World Para Taekwondo Grand Prix Series’ cu a tuma lugar na Paris finalizando na di 5 lugar

Elliott Loonstra PLY y su coach Luciano Mazzeo a participa na e di dos evento di e ‘World Para Taekwondo Grand Prix Series’ cu a tuma lugar na Paris finalizando na di 5 lugar

by Admin
0 comment 111 views

Elliott Loonstra PLY y su coach Luciano Mazzeo a participa na e di dos evento di e ‘World Para Taekwondo Grand Prix Series’ cu a tuma lugar na Paris Francia dia 5 di september 2022. E evento a wordo teni na ‘Palais des Sports Marcel Cerdan’ y a participa un total di 28 pais di cuater continente. Na e evento aki solamente e top 12 atletannan na mundo den cada categoria ta permiti pa participa na e peleanan. Loonstra PLY cu actualmente ta number 10 na mundo a participa contra di Spajic di Serbia cu ta number 9 na mundo. Esaki tabata un pelea excitante pasobra no solamente tabata lucha pa e semifinal pero tambe pa e ranking mundial. Elliott Loonstra PLY a haci su best pero e pelea a termina na fabor di e Serbio. Elliott Loonstra PLY a haci un bon trabou durante di e evento aki na Paris finalizando na di 5 lugar, cual ta un mehoracion di e prome evento di e serienan cu a tuma lugar na Bulgaria, caminda cu el a termina na di 9 lugar.

Elliott Loonstra PLY ta actualmente na Brazil pa otro competencia, preparando pa e di tres evento di e ‘World Para Taekwondo Grand Prix Series’ cu lo tuma lugar na Manchester, Inglatera na october benidero. Elliott Loonstra PLY a keda na di cinco lugar e ultimo biaha cu e tabata na Manchester y hunto cu su team ta buscando e podium den e competencia benidero. Loonstra PLY y su team kier duna danki na CEMEDAR, BodyZone Fitness y Roro Fitness pa tur e yudansa cu nan a duna su persona durante e ultimo lunanan pa asina e por yega mas serca di su metanan.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio