Hulandesnan tin menos interes den e Black Friday na caminda, debi na cosnan cu a bira hopi mas caro.
Black Friday cu ta algo original di Estados Unidos ya pa basta tempo a yega Hulanda, unda cu ariba e di 4 diabierna di november tiendanan ta duna discountnan halto ariba productonan.
Toch e aña aki e interes ta hopi menos, asina un encuesta di 2500 hende online a duna como resultado.
Menos di 20% di e esnan cu a participa na e encuesta tawata entusiasma cu Black Friday, a pesar cu tin inflacion. Un 30% sa sigur cu nan lo no participa na Black Friday e aña aki.
36% ta den duda ainda.
E motibo principal pa skip Black Friday ta e prijsnan halto di productonan (34% di esnan cu a bisa no) y e gana di gasta menos (39%).
Douane Hulandes tambe ta adverti
Douane Hulandes ta adverti hendenan cu shop den exterior durante Black Friday, y specialmente pafo di U.S.A(Merca). Douane a duna algun voorbeeld manera AliExpress y Shein. Esnan cu ta shop pafo di e mercado Mericano, prepara pa paga gastonan extra manera invoerkosten y btw.
Tambe douane Hulandes lo controla ariba productonan fake, esaki ta prohibi pa wordo importa.