Search articles

Just in...

Tourism

ILUSTRANDO UN CRECEMENTO DI 16% COMPARA CU 2019:DEN E PROME 3 KWARTAALNAN DI 2022, TOURISM CREDITS A CONTRIBUI CU 3.2 BIYON FLORIN DEN NOS ECONOMIA

Jan 15, 2023
How to Share With Just Friends

How to share with just friends.

Posted by Facebook on Friday, December 5, 2014

Mirando bek riba un 2022 cu a cuminsa cu diferente reto unda entre otro efectonan di e pandemia ainda por a wordo sinti, mester bisa cu a yega na un nivel di recuperacion sumamente satisfactorio pa Aruba.

TOURISM CREDITS 2022

Tur kwartaal Banco Central ta observa e Tourism Credits (Tourism Receipts), cu ta mustra e cantidad di placa cu turismo ta trece pa nos economia. Mientras e cifranan di e ultimo kwartaal di 2022 no ta conoci ainda, mester enfatisa e importancia di e indicador aki pa loke ta trata recuperacion di nos turismo, mirando cu e ta un di e indicadornan cu ta ilustra no e cantidad di bishitante cu a bin Aruba, pero e cantidad di placa cu a wordo genera a traves di nan bishita. A.T.A. a pone como meta pa yega recuperacion di 95% pa e indicador aki den 2022. A.T.A. a premira cu lo surpasa e meta aki y lo por ta cerando aña cu un crecemento di 17% versus 2019. Tourism Credits ta e entrada directo genera pa medio di turismo y ta exclui e entrada indirecto cu Aruba su economia ta genera danki na e industria turistico.

DECEMBER 2022 DEN COMPARACION CU 2019 y 2021

Den luna di december nos destinacion a ricibi un total di 110,435 bishitante “stay-over”. Si compara luna di december 2022 cu december 2019 - cu tabata e ultimo aña normal di turismo, por mira cu Aruba a recupera 110% di locual a wordo ricibi na december 2019, cu ta indica un crecemento di 10%.

Si compara december 2022 cu december 2021 por wak un recuperacion di 123% cu ta indica un crecemento di 23%. 

2022

Den 2022 Aruba a ricibi un total di 1,100,997 bishitante “stayover”, cu ta representa un grado di recuperacion di 98% compara cu e mesun lunanan di 2019. Mientras a purba logra un recuperacion completo den cantidad di bishitante, e retonan na comienso di aña entre otro door di Omicron a hunga un rol den e recuperacion. Mester bisa si cu a logra surpasa e meta di 95%.  Remarcabel ta cu e mercado principal di cada region a logra surpasa e cifranan di 2019. Estados Unidos a surpasa e cantidad di bishitante di 2019 cu 20,275 bishitante- un crecemento di 2.4%, Hulanda a surpasa e cantidad di bishitante di 2019 cu 3,309 bishitante- un crecemento di 7.7% y Colombia a surpasa e cantidad di bishitante di 2019 cu 1,122 bishitante- un crecemento di 3.5%.

MERCADONAN Y CATEGORIANAN DI ACOMODACION 

Den 2022 81.7% di e total di e bishitantenan “stayover” pa Aruba a bishita for di Norte America, 8.0% a bishita for di Europa, 7.6% a bishita for di Latino America y 2.7% tawata procedente di otro partinan di mundo. E porcentahe di bishitante di Norte America y otro partinan di mundo a subi mientras e porcentahe di Europa y Latino America a baha.

Mirando e categorianan di acomodacion, den 2022 36.3% di bishitante a keda den hotelnan High-rise, 9.3% a keda den hotelnan Low-rise, 29.4% a keda den Timeshare y 25.0% a keda den otro tipo di acomodacion, conoci tambe como vacation rentals. E porcentahe di bishitante cu a keda den Low-rise, Timeshare y otro tipo di acomodacion a subi mientras e porcentahe di bishitantenan cu a keda den High-rise a baha. 

Ta importante pa menciona cu A.T.A. tin acceso na un plataforma unda por wak e cantidad di cas, apartamento y villas cu ta wordo uza como vacation rentals como tambe e prijs averahe pa anochi, e ocupacion y un calculacion di e entrada cu esakinan ta genera. Si compara 2022 cu 2019 por wak cu e prijs averahe di e acomodacionnan aki a crece cu 32%, for di un averahe di $172 pa anochi na 2019 pa un averahe di $227 pa anochi na 2022. Si compara 2022 cu 2019 por wak cu e ocupacion averahe di e acomodacionnan aki a crece cu 5 punto di porcentahe, for di un averahe di 49% na 2019 pa un averahe di 54% na 2022. Den caso di entrada, si compara 2022 cu 2019 por wak cu e categoria a genera un crecemento den entrada di 115%.

2023

Pa 2023 lo bolbe uza 4 indicador pa midi turismo. Compara cu 2019, na 2023, ta premira cu cantidad di bishitante lo recupera 105%, entrada di turismo lo recupera 117%, entrada di cambernan di hotel segun cifranan di AHATA lo recupera 100%, cantidad di bishitantenan crucero lo recupera entre 90% y 100%. 

Pa ricibi A.T.A. su ‘Statistical Monthly Report’ tur luna, por contacta Melanie Kelly na m.kelly@aruba.com 

No items found.
No items found.