Home » Na Belgica: Agente policial (29) durante cu e tabata trahando a wordo hinca mortalmente den garganta

Na Belgica: Agente policial (29) durante cu e tabata trahando a wordo hinca mortalmente den garganta

by Admin
0 comment 142 views

Thomas M. (29) y Jason P. (23), dos agente policial den nan patruya a wordo sorpresa pa un persona, kende cu un cuchiu a agredi ambos agente. Thomas a wordo hinca den garganta cu resultado fatal y Jason a wordo hinca na su brasa.

Brussel, Belgica:
Diahuebs den careda di 7’or y 15 di anochi, den Aarschotstraat na Brussel Noord, dos agentenan policial tabata sinta den nan patruya wardando e lus di trafico bira berde pa nan por sigui nan caminda, net na e momento ey e homber Yassine Mahi (32) a cana bay nan direcion y a acerca e patruya, e agente Thomas inocentemente a habri e bentana di auto, keriendo cu e homber lo a acerca e patruya pa puntra algo, pero pa nan sorpresa, e homber tabata tin un cuchiu den su poder a hinca Thomas prome den su garganta, lagando e gravemente herida y despues a bira hinca e otro agente Jason tambe na su brasa.

” Nos a perde un di nos hendenan
Thomas a muri un rato despues, na e herida serio cu e la ricibi y Jason a keda herida y despues di un operacion su situacion ta stabiel y ta for di peliger.

E Korpschef durante un conferencia di prensa, tabata hopi emocional y a expresa su mes bisando ” Nos a perde un di nos hendenan”, tambe e la sigui conta cu Thomas M. di 29 aña despues di tabata traha den horeca, cuater aña pasa a join e Cuerpo Policial di Brussel Noord. Thomas su ploeg mayoria  ta polisnan basta hoben, tabata mir’e como un polis cu experiencia. Thomas tabata morocho y tambe tin un otro ruman muhe. E la conta tambe cu Thomas den su tempo liber tabata drummer y tambe di su hobby e deporte di ski.

Thomas tabata biba na Donceel den e provincia di Luik. Thomas su morto no tabata solamente un shock pa su coleganan di Cuerpo Policial, pero tambe pa e habitantenan di Donceel, caminda e tabata un persona basta conoci.

Riba medionan social por a lesa varios comentario di su coleganan cu a skirbi entre otro, cu nan tabata tin un temporada fantastico hunto cu Thomas durante cu nan tabata bay scol di polis.

E otro victima
E agente Jason P. (23) no mucho tempo atras a caba scol di polis. Despues cu e mes tambe a wordo herida, e la logra bati alarma y pidi ayudo cu urgencia pa su colega cu a wordo hinca den garganta. Tambe via su portofoon e la avisa nan cu e homber cu a hincanan a grita” ALLAHU AKBAR” prome cu e la  hinca su colega, Jason a wordo hinca na su brasa. E la wordo opera y ta for di peliger.

Deteni, tira y herida
E sospechoso Yassine Mahi despues di a hinca e dos agentenan policial, e la logra huy, pero un rato despues e la wordo gara pa un otro patruya. E sospechoso a wordo tira y tambe tabata herida.

Pensamento Extremista
E sospechoso Yassine Mahi ta un ex detenido, cu a sali for di prison na 2019, despues di a sinta su castigo di prison e tabata wordi sigui pa autoridad pa motibo di su pensamentonan Extremista. Desde 2015 Yassine tabata riba e lista di CELEX, Cel extremisten di prisonnan. Tambe e ta registra riba e lista di OCAD, lista di personnan extremista of cu por forma un menasa  terorista pa sociedad. Yassine tabata tin hopi odio riba polis.

Ayudo Psychiatrico
For di diahuebs mainta caba Yassine a presenta na Warda di polis y tabata papia hopi bruha y na dado momento polis a bin compronde cu e lo tabata kier ayudo psychiatrico y nan a hibe tambe un hospital Psychiatrico, como 9 ora despues e la comente e acto tristo aki.  Con e homber ayera a wordo retira for di e Hospital Psychiatrico no ta conoci. Polis a djis wordo avisa cu e homber a bandona e hospital.

 

You may also like

Our Company

Aruba Native News & Trends. Here to bring you the latest news and trends from our happy island.

Newsletter

Subscribe my Newsletter for more news. Let's stay updated!

Laest News

Copyright @2023 – Aruba Native All Right Reserved. Powered by 139 Design Studio