Search articles

Just in...

Politics

Parlamentario Marco Berlis (MEP): Turismo batiendo record tras di record!

Jan 17, 2023
How to Share With Just Friends

How to share with just friends.

Posted by Facebook on Friday, December 5, 2014

Recientemente nos por a ripara un biaha mas con nos turismo ta creciendo y kibrando record tur luna. Un biaha mas minister Dangui Oduber, su team y profesionalnan den turismo ta logra otro record den e luna di december 2022. E recuperacion di nos turismo di december 2022 compara cu december 2019 ta di 111%. Esaki ta un indicador cu e vision di minister Oduber, su team, ATA y profesionalnan ta uno cu lo por sigui record pa e luna aki di januari 2023. Nos tur por recorda con turismo a perde e momentum momentariamente pa via di Omicron na comienso di aña 2022. Esaki a haci cu tabata tin basta cancelacion di reservacionan haci na hotelnan. Naturalmente esaki a afecta e resultado di nos tursimo den cuminsamento di aña pasa.

Ademas e resultado final pa 2022 pa loke ta e stayovers a logra un recuperacion di 98.4% versus 2019. Ademas AHATA a cera cu un recuperacion di RevPar di 99.7% na 2022 compara cu 2019. Asina Aruba por ta orguyoso cu nos grado di recuperacion di nos Turismo pa e aña henter di 2022 ta di 98.4% compara cu 2019 cu tabata un aña record y historico pa nos dushi pais Aruba. Ne mesun momento Banco Central di Aruba a midi un crecemento di 18% durante kwartaal 1 te cu kwartaal 3 di 2022. Adicionalmente e “tourism credit” tabata 3.2 biyon florin. Esaki ta un crecemento di 500 miyon florin na 2022 compara cu 2019.

Asina Aruba a cera di un forma sumamente satisfactorio y positivo, considerando e resultadonan grandi di nos unico pilar economico di turismo. Aña 2023 ta wordo mira cu wowonan alentador y yen di speransa cu nos lo sigui crece y fortalece nos pais economicamente. Hunto cu e esfuerso y positivismo di cada un nos ta bai logre. Un pabien en general na tur esnan cu ta traha den Turismo y ta e cara di nos pais. Pabien Aruba!

Si pueblo desea mas informacion di e articulo aki, contact mi na tel: 528-4639 of email mi na: marco.berlis@parlamento.aw / Bo parlamentario y sirbidor di pueblo na bo ordo semper!

No items found.
No items found.