Corte di Prome Instancia 1 december 2022
Horario Sospechoso Acto Castigabel
08.30 J.G.M. G.M. ta wordo acusa di a haci uso di un acta falso di un notaris na Colombia riba 14 di januari 2022, cu tabata bisa cu e ta soltero, mientras cu e no ta soltero.
09.00 J.B.
C.M. B. y M. ta wordo acusa di a haci uso di pasaporte Haitiano falso y/of visa Frances falso den e periodo di 12 di juni 2022 te 14 di juli 2022.
09.45 X.C.E.P. P. ta wordo acusa di intento di kiebro y ladronicia den un cas na Schelpstraat den e periodo di 29 di juli 2022 te prome di augustus 2022.
10.15 R.G.C. C. ta wordo acusa di ladronicia di tasnan y un suma di placa y ID’s di un persona den e periodo di 29 di juli 2022 te 30 di juli 2022.
10.45 R.L.B. B. ta wordo acusa di a menaza un persona cu morto riba 19 di september 2022, dor di mande apps cu tabata bisa: “You are dead soon, bitch, just wait” y “Drop soon as possible in Hell, diablo, satanas”.
11.30 R.D.S.M. (casa cu) C. S.M. ta wordo acusa di a maltrata un persona cu un arma (un biga) riba 22 di februari 2020.
13.30 R.C.G. G. ta wordo acusa di a causa un accidente di trafico riba 11 di november 2020, dor cu e como chofer di un minivan bayendo riba caminda entre rotonde di airport y rotonde Las Americas, a core di tal manera cu tabata su culpa cu a bin un dalmento di auto, a consecuencia di cual un persona a fayece. E rijgedrag di G. di e dia ey a encera cu el a core cu un velocidad di mas o menos 95 km/ora, a pusta cu auto, a core masha cerca di otro auto y a stroba e auto di e victima di pase, a consecuencia di cual e victima a perde control riba stuur y a bay dal den un mata.
E ta wordo acusa di siendo chofer cu a causa e accidente riba 11 di november 2020, a bandona e sitio, mientras e tabata sa cu tabata trata di un accidente cu daño grave.
E ta wordo acusa di a core auto sin rijbewijs riba 11 di november 2020.
15.00 A.A.H. H. ta wordo acusa di posesion di un arma (cuchionan) riba caminda publico riba 30 di april 2022 y di tabatin marihuana den su posesion riba e mes dia.
15.30 A.A.M. M. ta wordo acusa di a maltata un persona cu mokete riba 9 di april 2022 y di destruccion di un bentana di su auto riba e mes fecha.