Search articles

Just in...

Government

ROSARIO COLLEGE TAMBE TA CONTENTO CU BISHITA DI PROME MINISTER

Jan 25, 2023
How to Share With Just Friends

How to share with just friends.

Posted by Facebook on Friday, December 5, 2014

Algo hopi impresionante cu Prome Minister ta ripara durante su bishitanan na scolnan rond di Aruba en conexion cu Dia di Betico, ta e manera con scolnan, cabesantenan y docentenan ta inculca e storia y logronan di señor Gilberto François ‘Betico’ Croes den nos muchanan. Esaki sigur ta loke Gobierno di Aruba kier logra tambe, cu tur scol, especialmente en conexion cu Dia di Betico, tuma nan tempo pa decora scolnan y klasnan hunto cu almunonan, pa nan siña nos muchanan tocante e gran Arubiano, Betico Croes. Prome Minister ta gradici tur scol y docente pa esaki.

E ultimo bishita di Prome Minister Evelyn Wever-Croes na scolnan dialuna mainta tawata na Rosario College. Na su yegada, e muchanan contento, docentenan y Cabesante Suplente Juffrouw Patricia de Palm a duna Prome Minister un caloroso bon bini. Despues di a saluda e muchanan, Prome Minister a wordo dirigi pa Klasnan 5 di Juffrouwnan Saskia Gunning y Karenza Werleman. 

“Tur dos 5de klas tabata hunto y nos a conbersa hopi ameno di loke Betico ta nifica pa nos Aruba. Cada mucha tawata pone hopi atencion y a mustra hopi interes pa conoce mas di nos Libertador Betico Croes. Nan cada un tin un poco di Betico den nan y por logra cosnan grandi pa Aruba y ta importante pa nan sa cu si bo ta stima Aruba bo tin cu duna lo miho cu bo por den tur cos, den arte, den musica of den deporte pero mas importante den estudio”, Prome Minister a expresa. 

Prome Minister a ricibi hopi pregunta di e muchanan y varios pregunta tawata hopi pret y a pone Premier hari poco. Preguntanan cu sigur a bin sin filter pero Prome Minister cu hopi gusto a contesta tur. 

“Mi ta contento pa wak con e klasnan ta preparando pa e dia importante aki. Esaki ta e meta di tur e bishitanan na e scolnan den cuadro di Dia di Betico pa asina nos ta sigur cu e muchanan ta haya te na fundeshi e informacion di bida di Betico y siña tur loke Betico lo tabata kier pa nos sa di dje. Mi ta gradici Cabesante, docentenan y alumnonan di Rosario College pa e bon bini bunita di awe mainta 23 di januari”, Prome Minister a enfatisa. 

No items found.
No items found.