Search articles

Just in...

Dutch Kingdom

Sospechoso den caso di Peter R. de Vries kier uza bruheria pa influencia desicion di hues

Jan 16, 2023
How to Share With Just Friends

How to share with just friends.

Posted by Facebook on Friday, December 5, 2014

Amsterdam, Hulanda:

Un di e sospechosonan den e caso di asesinato di Peter R. De Vries, a pidi su ruman pa busca potret di tur e Huesnan y griffiernan cu ta of lo trata e caso aki.

Segun Nu.nl durante un of mas conversacion cu autoridad a tap entre e sospechoso aki, Krystian M.(27) y su ruman, nan a scucha cu Krystian tabata pidi su ruman homber pa saca screenshots y busca datosnan di tur e huesnan y griffiernan cu lo atende cu e caso aki.  Tambe e mester a marca un ronchie rond di e hues cu lo dirigi e caso den corte.

Na dado momento e ruman a mande un mensahe cu e tin tres potret, di esunnan di e caso di e persona color scur. Posibelmente tabata trata di e zitting di Delano G. kende ta enberdad un persona color scur. Delano ta esun cu ta wordo sospechosa di a  tira De Vries mata.

Husticia den un email a manda confirma esaki na tur esnan envolvi den e proceso aki, cu enberdad e ruman di e sospechoso a saca screenshots, pero segun OM no tin niun indicacion cu ta trata di un menasa, pero mas probable ta trata cu via medionan sobrenatural lo kier trata na influencia e caso, pro medio di un of otro bruheria.

Peter R. de Vries ta un journalista specialisa den e ramo di crimen, e la wordo tira na juli 2021 na Amsterdam, despues di tabata presente den un programa di television. Peter a keda gravemente herida y despues di a keda interna den cuido intensive a fayece.  

Prome cu Peter R.de Vries a wordo likida, e abogado di e testigo principal di e caso Marengo, e abogado Derk Wiersum a wordo likida. Den e proceso grandi d i e caso Marengo, SI tur e asesinatonan aki por wordo gelink cu e sospechosonan di e caso di Marengo-Proces ( Ridouan Taghi y suhendenan) no por bisa ainda, pero cu detencion di mas sospechoso, ta mustra cu e ta yegando mas cerca di otro.  Asina e sospechoso aki Krystian M. ta gelink cu un primo di Ridouan Taghi.

Na spaña y tambe na Corsou a haci detencionnan relaciona cu e caso aki.

No items found.
No items found.