Search articles

Just in...

International

Video: Na Inglatera, mucha homber(11) den un rubberboot a wordo rescata mas cu un miya leu di costa

Jul 29, 2022
How to Share With Just Friends

How to share with just friends.

Posted by Facebook on Friday, December 5, 2014
Algun boluntario riba un boto di rescate a logra salba un mucha di 11 aña cu a drief den un rubberboot mas di un miya leu riba lama. E mama cu tabata riba e beach a nota cu su yiu no tabata por a bin tera bek, a cuminsa ta grite pa e no bula den lama trata na landa bin tera paso esaki tabata imposibel pa e mucha.

E rescate a wordo graba y poni riba medionan social.https://www.youtube.com/watch?v=ZI51zVcm-RcDungess, Inglatera: E incidente aki a sosode diamars ultimo, na momento cu e mucha homber di 11 aña a bay pasa dia na beach hunto cu su famia. Diamars tabata un dia hopi calor cu a kibra record na Inglatera, e calor tabata insoportabel y a pone cu hopi hende a dicidi di bay beach. E mucha tabata sinta den un rubberboot oranje na momento cu un biento fuerte a pasa y a hiba e rubberboot basta leu den lama. Mama di e mucha a mira esaki, pero e boto hopi lihe a bay mucho leu den lama cu e no por a yeg'e mas. Otro personanan cu tambe tabata na e beach mesora a bati alarma. Tur hende tabata grita e mucha pa keda den e boto y no bula afo, no trata na landa pasobra e no lo make it.Un grupo yama The Dungeness volunteer RNLI crew, mesora a bay den accion y a cuminsa cu un buskeda pa salba e criatura.Mas di un miya leu for di costa e boluntarionan abordo di e boto di rescate a bin topa cu e rubberboot oranje y e mucha homber ainda tabata sinta den e rubberboot. Mesora nan a bay cerca di e rubberboot y a pidi e mucha pa e keda den e boto. Mientras cu un di e boluntarionan cu un palo largo cu un haak, a hala e rubberboot mas cerca. Un otro boluntario a logra gara e mucha y a pas'e riba e boto di rescate. E rubberboot tambe a wordo saca for di awa.E mucha homber a wordo hiba bek na e beach cerca su famia. E mama a bisa, cu e la kere cu e la perde su yiu pa semper y cu e ta hopi agradecido na e team di boluntario cu a rescata su yiu.Segun un di e boluntarionan, e biento hopi lihe a carga e boto hibe mas cu un miya leu, door cu e mucha a scucha di su mama pa keda sinta den e boto y tambe cu mesora a bati alarma nan por a localise y e rescate aki tabata tin un final feliz.[gallery ids="216301,216302,216303"]

No items found.
No items found.